Русский | English 
    Bosh sahifa  Elektron pochta 


TOSHKENT DAVLAT IQTISODIYOT UNIVERSITETI

     
Toshkent davlat iqtisodiyot universitetida O‘zbekiston Respublikasi Sog‘liqni saqlash vazirligi OITSga qarshi kurashish markazi tomonidan “OIV/OITS infeksiyasi etiologiyasi, epidemiologiyasi, klinikasi va profilaktikasi” mavzuida davra suhbati tashkil etildi. Unda O‘zbekiston Respublikasi OITS ga qarshi kurashish markazining shifokorlari, Korporativ boshqaruv fakul'tetining dekan muovinlari, Jismoniy madaniyat va sport kafedrasining professor-o‘qtuvchilari, ta'lim-tarbiya maslahatchilari va 200 nafar talaba yoshlar ishtirok etdi.

Toshkent davlat iqtisodiyot universitetida O‘zbekiston Savdo-sanoat palatasi “Start-up tashabuslari loyihasi” koordinatori Usmon Rahimjonov ishtirokida mahorat darsi tashkil etildi.

Tadbir davomida iqtidorli talabalarga “Start-up tashabuslari loyihasi”ning ikkinchi bosqichi, undan ko‘zlangan maqsad, loyihada ishtirok etish tartibi, loyihalarga qo‘yiladigan talablar, talabalar guruhlarining vazifalari batafsil tushuntirib berildi.


|15/03/2017| Iqtisodiyot fakultetida ota-onalar yig‘ilishi

Toshkent davlat iqtisodiyot universiteti Iqtisodiyot fakulteti 2-kurs talabalarining ota-onalari ishtirokida “Dekanat va ota-onalar muloqoti” uchrashuvi tashkil etildi.

“Xalq bilan muloqot va inson manfaatlari yili” munosabati bilan yurtimizning barcha vazirlik, hokimiyat, idora, korxona, tashkilot, muassasalar tizimida jamiyatning hamkorlik bo‘g‘inlari bilan uchrashuv, muloqotlar tashkil etilmoqda.

Toshkent davlat iqtisodiyot universitetida ham universitet rektori bilan talabalar va ularning ota-onalari ishtirokida tizimli ravishda muntazam uchrashuvlar bo‘lib o‘tmoqda. Universitetning Iqtisodiyot fakultetida ham tasdiqlangan reja asosida har bir ta'lim-tarbiya maslahatchisiga biriktirilgan akademik guruhlarda tahsil olayotgan talabalarning ota-onalari bilan universitetda muloqotlar tashkil etilmoqda.


Xalqimizda azal-azaldan bir olijanob, ezgu insoniy odatlar mavjudki, ularni boshqa xalqlarda uchratish qiyin. Ulardan biriumumxalq hasharlaridir. Hashar halqimizning eng qadimiy va boqiy qadriyatlaridan biridir. Uning zamirida xalqimizning vatanni sevish, yurtni obod etish, o‘zgalarni e’zozlash va farovon turmush barpo etishga intilishi mujassam.

 

Har yili bayramlarimiz arafasida hashar o‘tkazilib, atrof-muhitni tozalash, obodonlashtirish, hududlarni ko‘kalamzorlashtirishga bag‘ishlangan keng ko‘lamli xayrli ishlar amalga oshirilib kelinadi. Bu jarayonda universitetimiz mehnat jamoasi ham faol ishtirok etdilar.

Yurtimizning barcha go‘shalarida bo‘lgani kabi, universitetimizda ham 11-12 mart kunlari o‘tkazilgan umumxalq xayriya hashari ko‘tarinki ruhda o‘tdi.


Madaniyat saroyida 8 mart – “Xalqaro xotin-qizlar kuni” munosabati bilan “Sen buyuk va muqaddassan ayol!” mavzusida bayram tadbiri o‘tkazildi.

Tadbirni Ma'naviyat va ma'rifat ishlari bo‘yicha prorektor Muzaffar Komilov ochib berar ekan, xotin-qizlarga yo‘llangan universitet rektori tabrigini tadbirga yig‘ilgan barcha ayollarga o‘qib eshittirdi.

Tadbirda so‘z olgan universitet Xotin-qizlar qo‘mitasi boshlang‘ich tashkiloti raisi Gulchehra Axunova O‘zbekiston Respublikasi Prezidenti Shavkat Mirziyoevning 8 mart – “Xalqaro xotin-qizlar kuni” munosabati bilan Respublikamiz xotin-qizlariga yo‘llagan bayram tabrigining ahamiyati va davlatimiz tomonidan ayollarimizga ko‘rsatilayotgan yuksak g‘amxo‘rliklari haqida gapirib o‘tdi.


Korporativ boshqaruv fakulteti va Jahon tillari kafedrasi o‘qituvchilari tomonidan “Maqsad va unga erishish yo‘llari” mavzusida talabalar seminar-munozarasi tashkil etildi.

Seminarni Ijtimoiy fanlar kafedrasi professori I. Saifnazarov kirish so‘zi bilan ochib berdi. U o‘z so‘zida tadbir mavzusining hozirgi kunda nihoyatda dolzarb ekanligini ta'kidlab, mamlakatimizning kelajagi bo‘lgan yoshlar timsolida respublikamizning ravnaqi, taraqqiyoti, kuchi aksini ko‘rishimiz mumkinligini aytib o‘tdi.

Seminarning o‘z oldiga qo‘ygan eng katta maqsadlaridan biri, bu ishtirokchilarning chiqishlari orqali, ularning rus tilini mukammal o‘zlashtirishga bo‘lgan ishtiyoqlarini ko‘rsatib berish edi. Shu sababli seminar shiori: sifatli ta'lim belgisi – yuksak mavzularni oddiy so‘zlar orqali ifodalay olish deb belgilandi.


Quyi Chirchiq ijtimoiy-iqtisodiyot va xizmat ko‘rsatish kasb-hunar kollejida universitetimiz professor o‘qituvchilari tomonidan tadbir tashkil etildi. Unda O‘zbekiston Respublikasi Prezidenti Sh. Mirziyoevning 2017-yil 14-yanvar kuni Vazirlar Mahkamasining mamlakatimizni 2016-yildagi ijtimoiy-iqtisodiy rivojlantirish yakunlarini har tomonlama tahlil qilish hamda respublika hukumatining 2017-yil uchun iqtisodiy va ijtimoiy dasturi eng muhim yo‘nalishlari va ustuvor vazifalarini belgilashga bag‘ishlangan kengaytirilgan majlisidagi ma'ruzasi mazmun-mohiyati haqida kollej o‘qituvchi va o‘quvchilariga batafsil tushuntirib berildi. Mamlakatimizda erishilgan ijtimoiy-iqtisodiy yutuqlar, iqtisodiyotni rivojlantirishning asosiy yo‘nalishlari haqida atroflicha gapirib o‘tildi.
 
Shuningdek, 2017-yil 7-fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi farmoni, undan kelib chiqadigan vazifalar haqida kollej pedagog jamoasi va o‘quvchilari bilan fikr-mulohazalar almas​hildi. Ma'ruzachilar tomonidan Harakatlar strategiyasining mazmuni batafsil yoritib berildi

|25/02/2017| Xorijiy hamkorlar ishtirokida ish bilan bandlik masalasi muhokama qilindi

Toshkent davlat iqtisodiyot universiteti, Bat universiteti va O‘zbekistondagi Britaniya Kengashi Vakolatxonasi bilan hamkorlikda davra suhbati bo‘lib o‘tdi.

Tadbirda ijtimoiy-iqtisodiy hayotning dolzarb masalasi hisoblanadigan ish bilan bandlik, xususan oliy ta'lim muassasasi bitiruvchilarining munosib ish bilan ta'minlanishi mavzusi muhokama qilindi.

Shuningdek, ushbu muhim masala yuzasidan Respublikamizdagi bir qator vazirliklar, tashkilotlar va davlat idoralari bilan ham samarali hamkorlik aloqalari yo‘lgan qo‘yilgan.

|24/02/2017| Mirzo Ulug‘bek informatika kasb-hunar kollejida davra suhbati tashkil etildi

Mehnat iqtisodiyoti va sotsiologiyasi kafedrasi tomonidan Mirzo Ulug‘bek informatika kasb-hunar kollejida O‘zbekiston Respublikasi Prezidenti Shavkat Mirziyoevning «Tanqidiy tahlil, qat'iy tartib-intizom va shaxsiy javobgarlik – har bir rahbar faoliyatining kundalik qoidasi bo‘lishi kerak” nomli ma'ruzasi mazmun-mohiyatini kollej o‘qituvchilari va o‘quvchi-yoshlariga yetkazish maqsadida davra suhbati tashkil etildi.

Tadbir kun tartibidan o‘rin olgan mavzu yuzasidan kafedra dotsenti A. Hayitov so‘zga chiqib, 2016-yilda mamlakatimizni ijtimoiy-iqtisodiy rivojlantirish yakunlari hamda 2017-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasi yig‘ilishdagi Prezident ma'ruzasida belgilab berilgan ustuvor vazifalar haqida atroflicha to‘xtalib o‘tdi.


|22/02/2017| Buyuk siymolar, el-yurt, avlodlar ardog‘ida

Ingliz tili kafedrasi tomonidan 1-sonli talabalar turar joyida Alisher Navoiy tavallud kuni hamda Zahiriddin Muhammad Boburning 534 yilligi munosabati bilan “Buyuk siymolar, el-yurt, avlodlar ardog‘ida” mavzusida madaniy-ma'rifiy tadbir tashkil etildi.

Ma'lumki, O‘zbekiston diyori o‘z bag‘rida ko‘plab olim-u fuzalolar, shoirlar, allomalarni yetishtirgan. Ularning qilgan ishlari bugungi kunga kelib butun dunyo e'tirofiga sazovor bo‘lmoqda. Xususan, adabiyotimizning ikki ustuni bo‘lmish Navoiy va Bobur hazratlarini ijod va hayot yo‘llarini nafaqat yurtimiz aholisi, balki butun jahon hamjamiyati sevib o‘rganib kelishmoqda.


Saxifa 1 dan 56 1 2 3 4 5 6 7 8 9 10 30 > >>

Manzil: 100003, Toshkent shahri, O’zbekiston shoh ko’chasi 49 uy
Telefon: (0 371) 239-01-49, Faks: (0 371) 239-41-23
Elektron pochta manzili: tdiu@tdiu.uz
Sayt xaritasi | Ro'yxatdan o'tish | Kirish
© 2012 - 2017 TDIU. Axborot Texnologiyalari Markazi